تجربتي لجدول العنايـة ..

السلام عليكم والرحمه
مسائكم ورد وصباحكم عسسل
كيفكم وشخباركم مااطول عليكم .
المهم هذي تجربتي لجدول منور وبجوده ويعطيهم العافيه والصحه يارب ويحقق لهم امنياتهم
طبعاً انا مشيت على الجدول فتره وقفت ايام العادة الشهرية وانتم بكرامه ورجعت اكمل
الحمد لله النتيجة إلا الآن مرضية والحمد لله وبكمل لحد مااوصل للي ابيه ..
أهم شي حصلت النعومه والنظافة .. وهذا يكفي .
قبل أتكلم لازم بعد التشطيف تجففين المنطقة عدل طبعاً وحده من صديقاتي
قالت لي أهم شي تجففين بقطن بدال الكلينس او اي شي ثاني ..
طبعاً الايام مثل ماهي بس استخدامي للجدول كان مو بتوقيت معين .
السبت .
خلطه موضي الدسمه العصر لحد الساعه 9:30 واغسل المنطقة بصابون الطااوس
بعدين اجفف عدل واحط مكعبات ماي الورد طبعاً أنا أفضل تكون بارد مو ثلج
وبعد كذا أحط خلطه الكركم .. كنت اخليه للصبح بس صرت أخليه لساعه 1:30 قبل أنام اغسله عدل
واحط الكريم .
الأحد .. أغسل الكريم الساعه 12 الظهر وبعد كذا اجفف أمسج بمناديل جونسون روعه وقليل بحقها
بعد كذا احط خلطة موضي الدسمه وبالليل اغسلها وامسح بديتول والمره ..
وهكذا
الترطيب طبعاً استخدم زيت اللوز المر . وبعد استخدم كريم جونسون كترطيب .
بس بالليل إذا بتنامون بلاش ملابس الداخلية .. قد مااقدر كنت البس بجامه بدون ملابس داخليه عشآن التهويـة أهم شي
لو انكتمت المنطقة ماراح نستفيد شي من الاهتمام والتعب كله .
بعد شهر بالضبط شفت اختلاف وقررت يزيد الاهتمام اكثر ولله الحمد في فرق لدرجه ان اختي بلشت معي بالجدول
بالنسبة للغسول أستخدم واحد طبي بنتادين مو كثير .. مره بالاسبوع .
واكثر شي منقوع البابونج و الملح ..

بالنسبة كيف احف كانت ازمه بقوة . طبعاً شفت موضوع لاحدى الاخوات بس كان حف الجسم وقلت اجربه استخدم الطريقة بشكل ثاني والحمد لله ضبطت ..
المهم طبعاً الكل قال الحلاوة تسبب ترهل ومشاكل . وسألت سودانية عن هالكلام
قالت يآبنتي أنا صار لي عمر استخدمها الحمد لله مافي مشاكل ولا شي وعندي 6 اطفال ومافي ترهل ولله الحمد .
طبعاً هي قالت سوء الاستخدام هو المشكله .
طبعاً .. بعد ماجربت النشاء والموس النسائي هو حلو بس طفشني مايصير اسبوعين إلا وانا بآزمه
قلت ارجع للحلاوة طبعاً شريت من الصيدلية شهرزاد وصرت احطها بالمايكرويف لحد ماتصيرسايحه مره
واكون جايبه القماش مال الشمع اللي كانه مناديل واحط نشآء او بودره جونسون بس الافضل النشاء واحط جزء بسيط من الحلاوة وبعدهآ
احط القماش واكون مقصصته صغير واحطه واحط بآصبعي شوي بودره واشيل بس مو حيل اشيل اول اتاكد ان القماش مسك بالحلاوة .
وبالتدريج شوي شوي .. لحد مانخلص وكذا كل وحده وشطارته وخفت يدهـآ كمان .
بعد مااخلص محضرة ماي ورد ونشاء واحطهم ولما ينشف اغسله واجفف عدل واحط زيت زيتون عشآن يشد المنطقة ويخفف نمو الشعر .
بس للاهمية الزيت زيتون لازم ساعه على الاقل ماتستخدمين الماي عشآن مايرد يسمر المنطقة
وكذا خلصت ..أدري كلامي كثير بس حبيت أنقل تجربتي